Ні адзін з афіцэраў СБУ ў Крыме не стаў здраднікам
12- 4.03.2014, 15:19
- 17,438
Афіцэры СБУ ў Крыме адмовіліся прызнаць кіраўніком крымскага глаўка прызначанага Сяргеем Аксёнавым Пятра Зіму.
Пра гэта паведамляе BSNews.
4 сакавіка ў рэдакцыю выдання звярнуліся супрацоўнікі Галоўнага ўпраўлення Службы бяспекі Украіны ў АР Крым і Ялцінскага гарадскога ўпраўлення СБУ, якія паведамілі наступнае:
«Учора асобнымі тэлеканаламі і іншымі СМІ была распаўсюджаная інфармацыя пра нібыта пераход супрацоўнікаў СБУ Крыма на бок так званага «крымскага ўрада».
На самой справе 3 сакавіка падчас прадстаўлення «новага начальніка» крымскага СБУ Зімы усе афіцэры СБУ адмовіліся прызнаваць яго кіраўніком глаўка».
Як паведамляюць супрацоўнікі СБУ, ні адзін з афіцэраў службы бяспекі ні ў Крыме, ні, у прыватнасці, у Ялце, не стаў здраднікам. У той жа дзень крымскія афіцэры СБУ накіравалі адпаведную заяву на адрас кіраўніка СБ Украіны Налівайчанкі, піша obozrevatel.com.
Як паведамлялася раней, журналіст Ірына Саломка ў «Фэйсбуку» паведаміла пра тое, што новы кіраўнік крымскага глаўка СБУ Пётр Зіма прымушае супрацоўнікаў ведамства пісаць заяву аб падпарадкаванні новаму ўраду Крыма.