The Wall Street Journal: У ЗША ёсць рэальная зброя супраць Пуціна
29- 5.03.2014, 20:27
- 97,945
Гэта энергія.
Ці праўда, што ў ЗША мала рэальных магчымасцяў прымусіць Уладзіміра Пуціна сысці з Украіны? - задаецца пытаннем The Wall Street Journal (пераклад - Inopressa.ru).
Як наконт такой дзелавой заявы з Вашынгтона: "Мы рады паведаміць, што ЗША паскараюць свае планы для экспарту прыроднага газу і неўзабаве перагледзяць сваю фактычную забарону на экспарт нафты. Новыя пастаўкі газу і нафты ў Амерыцы настолькі багатыя, што мы імкнемся стаць буйным пастаўнікамі на сусветных рынках. І першыя кліенты, якіх мы маем намер абслужыць - гэта нашы сябры ў Еўропе".
"Як нам зноў нагадалі падзеі гэтага тыдня, гэта тыя самыя сябры, якія цяпер з'яўляюцца закладнікамі паставак энэргарэсурсаў з Расеі", - піша аўтар артыкула Джон Басі.
Захад пагражае Расеі эканамічнымі санкцыямі ў выпадку, калі яна не выведзе войскі з Украіны. Але якую жорсткасць зможа праявіць Еўропа, калі Расея выступіць з пагрозай перапыніць пастаўкі?
На тое, каб пабудаваць значную інфраструктуру экспарту і даставіць у Еўропу буйныя пастаўкі амерыканскага паліва, у ЗША сыдзе некаторы час. Але само абяцанне ўзмацніць ціск на квазі-манаполію Пуціна можа прымусіць яго лепш абыходзіцца са сваім кліентам. Магчыма, гэта не прымусіць яго сысці з Крыму. Але гэта дасць Еўропе больш вагароў, каб намагаць свайго. "Нарэшце, бізнэс ёсць бізнэс. Нават у Расеі", - падсумоўвае аўтар.