Жыхары Барвіхі распавялі пра новага суседа Януковіча (Відэа)

«Выдатны, ціхі сусед. Ледзь што - адразу ўцякае», - кажуць яны.

Дом за 52 мільёна ў падмаскоўнай Барвісе, як мяркуецца, набыты для збеглага ўкраінскага экс-прэзідэнта Віктара Януковіча, - гэта асабняк плошчай каля 2-3 тысяч квадратных метраў з басейнам, домам для прыслугі, гаражом, унутраным ліфтам. У ім не менш за 5 спальных пакояў. На тэрыторыі ёсць гасцявы домік.

Як паведамляе СТБ, паводле ацэнак спецыялістаў па нерухомасці, менавіта такія выгоды могуць быць у доме элітнага пасёлка за паказаны кошт. Рыэлтары сцвярджаюць - каб жыць у Падмаскоўі з такім жа размахам як у Межыгор'і, Януковічу спатрэбілася б не менш аднаго мільярда 370 млн. даляраў.