Ахоўнікаў «Кароны», якія зламалі шыю пакупніку, не пакараюць

СК прыпыніў расследаванне па факце збіцця ахоўнікамі ГЦ «Карона» менчука.

Пра гэта сайту charter97.org паведаміў афіцыйны прадстаўнік Упраўлення Следчага камітэта па Менску Аляксандр Герасімаў.

«Расследаванне па гэтай справе прыпынена. Калі ў ходзе аператыўна-вышуковых мерапрыемстваў, будуць устаноўленыя новыя абставіны, значыць, яно будзе адноўлена. Але пакуль што гэтых абставінаў няма», - адзначыў ён.

Нагадаем, 9 траўня ахоўнікі ГЦ «Карона» ў Менску жорстка збілі Аляксандра Вашкевіча, пасля таго, як ён вырашыў не пакідаць свайго сябра Дзяніса Локцева, якога затрымалі.

У выніку збіцця, акрамя страсення мозгу і ранак на твары, у яго зламаны асцюкаваты адростак шостага пазванка шыйнага аддзела хрыбетніка.