The Washington Post: ЗША і саюзнікі павольна прыціскаюць Расею

ЗША і іх еўрапейскія саюзнікі ў сераду працягвалі сцягваць пятлю незадаволенасці на шыі Расеі.

Гэта адбываецца, дзякуючы таму, што яны пагадзіліся паслаць больш грошай ва Украіну, накіраваўшы міжнародных назіральнікаў і амерыканскую авіяцыю ў рэгіён і падышоўшы бліжэй да прамых санкцый супраць Масквы, The Washington Post (пераклад - Inopressa.ru).

Дзяржсакратар ЗША Джон Кэры правёў першую прамую сустрэчу з расейскім калегам Сяргеем Лаўровым з моманту пачатку кровапраліцця на вуліцах Кіева ў мінулым месяцы. Аднак прагрэсу пасля сесіі, якая прайшла ў рэзідэнцыі расейскага амбасадара ў Францыі, дасягнута не было.

Між тым прадстаўнікі ЕЗ у цэлым ухвалілі прадастаўленне Украіне пакета дапамогі на суму 15 млрд даляраў на бліжэйшыя некалькі гадоў, акрамя абяцання Злучанымі Штатамі 1 млрд даляраў. Акрамя таго, Еўразвяз заявіў у чацвер раніцай аб увядзенні санкцыі ў дачыненні да 18 украінцаў, якіх лічыць вінаватымі ў разграбленні нацыянальнай казны, гаворыцца ў артыкуле.

Высокапастаўлены вашынгтонскі чыноўнік паведаміў аб правядзенні дыскусій у адміністрацыі аб магчымасці аднабаковага ўвядзення санкцый супраць украінцаў і расейцаў, якія маюць дачыненне да карупцыі і да нядаўняга гвалту на Украіне. Хоць адміністрацыя гатовая зрабіць крокі ў бліжэйшыя дні, "мы хочам скаардынаваць свае дзеянні з еўрапейцамі для большай эфектыўнасці", сказаў чыноўнік.

Пентагон таксама заявіў, што ў адказ на просьбы ўсходнееўрапейскіх членаў НАТА, якія паступілі ў апошні тыдзень, павялічыць колькасць авіяадзінак, якія былі задзейнічаныя ў Літве, больш чым у два разы, перадаюць карэспандэнты.

На сустрэчы ў Вене ў сераду АБСЕ абвясціла, што 18 краін, якія ўваходзяць у яе, накіроўваюць 35 назіральнікаў на Украіну, каб "развеяць асцярогі з нагоды незвычайных ваенных дзеянняў" у краіне.

ЗША і іх саюзнікі перасцераглі Расею ад пашырэння сваёй воінскай прысутнасці ва Усходняй Еўропе, там, дзе пераважае рускае насельніцтва. Яны заклікалі Расею вярнуць свае войскі на базы ў Крыме, дзе яны былі размешчаныя ў адпаведнасці з даўнім пагадненнем з Украінай, прыняць міжнародных назіральнікаў для праверкі сітуацыі ў Крыме і адкрыць перамовы з часовым урадам Украіны, гаворыцца ў артыкуле.

Як паведаміў прадстаўнік адміністрацыі, па стане на сераду рускія "не адступаліся ад сваіх недарэчных прэтэнзій, але і не рабілі далейшых крокаў. Так што захоўваецца статус кво".