Віталь Клічко: Рашэнне пра «рэферэндум» - узурпацыя ўлады

Лідар партыі УДАР Віталь Клічко патрабуе прыцягнуць да адказнасці нелегітымнага «прэм'ера» Крыма і яго паплечнікаў.

Таксама палітык звяртаецца да ўсіх крымскіх дэпутатаў з просьбай тэрмінова адмяніць рашэнне аб правядзенні рэферэндуму. Пра гэта паведамляе прэс-служба партыі УДАР.

У сваім звароце Віталь Клічко кажа пра тое, што рашэнне ВР АРК аб змене ўрада прымалася з грубымі парушэннямі закону і павагі да рэгламенту. Таксама, па яго словах, няма законных нормаў для падрыхтоўкі і правядзення рэферэндуму, таму падобныя рашэнні з'яўляюцца спробай узурпаваць уладу.

«Сваімі дзеяннямі Сяргей Аксёнаў і дэпутаты крымскага парламента, якія падтрымліваюць напісаныя звонку сцэнары, ужо парушылі шэраг законаў Украіны і адкрыта працуюць супраць Крымскай аўтаноміі і яе жыхароў, правакуючы канфлікт і супрацьстаянне. Таму мы патрабуем ад вас тэрмінова вярнуцца ў прававое поле і спыніць парушаць законы краіны, ад якой вы абраныя дэпутатамі ў парламент аўтаноміі», - гаворыцца ў заяве.

Клічко звяртаецца да крымскіх дэпутатаў з тым, каб яны тэрмінова адмянілі рашэнне аб правядзенні рэферэндуму і абралі на пасаду прэм'ера чалавека, які добра ведае Крым і яго эканоміку, мае безумоўны аўтарытэт і можа прапанаваць праграму развіцця паўвострава.