У Маскве пройдзе акцыя супраць вайны ва Украіне
5- 7.03.2014, 12:09
- 9,799
Сёння ў Маскве актывісты партыі «Яблоко» і праваабаронцы правядуць пікет супраць ваенных дзеянняў ва Украіне.
Пра гэта, як перадае карэспандэнт РІА «Новый Регион», паведамляе прэс-служба партыі.
Пікет узгоднены ўладамі Масквы і пачнецца ў 18:00 па мясцовым часе ў Навапушкінскім скверы. У акцыі возьмуць удзел лідар руху «За правы чалавека» Леў Панамароў, старшыня Маскоўскай Хельсінкскай групы Людміла Аляксеева і сакратар паліткамітэта «Яблока» Галіна Міхалёва.
Удзельнікі пікету і мітынгу будуць патрабаваць ад расейскіх уладаў адмовіцца ад планаў ваеннага ўварвання на тэрыторыю Украіны і неадкладна прыступіць да мірных перамоваў з новым кіраўніцтвам гэтай краіны аб гарантыях забеспячэння бяспекі і захавання правоў рускамоўнага насельніцтва.
У прэс-службе падкрэслілі, што «Яблоко» асуджае дзеянні прэзідэнта Расеі і Савета Федэрацыі, які развязваюць рукі для пачатку вайны з братэрскім народам. Такое развіццё падзей прывядзе Расею да нацыянальнай катастрофы і паставіць свет на грань ядзернай вайны», гаворыцца ў заяве партыі.