Дзяржпамежслужба Украіны: У Крыме 30 тысяч расейскіх салдат
11- 7.03.2014, 13:09
- 12,090
За тры дні колькасць расейскіх вайскоўцаў на паўвостраве вырасла ўдвая.
Пра гэта паведамілі ў Дзяржаўнай памежнай службе Украіны.
"Папярэдне вайскоўцаў Расейскай Федэрацыі задзейнічана цяпер каля 30 тысяч", - заявіў дырэктар дэпартамента персаналу Міхаіл Коваль.
Ён не ўдакладніў, колькі цяпер украінскіх вайскоўцаў знаходзіцца ў Крыме, адзначыўшы , што гэта ўсё аб'яднанні і часткі памежвойскаў, а таксама Узброеных сіл Украіны, якія дыслакуюцца ў Крыме.
Раней прэс-служба Дзяржпамежслужбы паведамляла, што расейскія войскі працягваюць прыбываць у Крым. У прыватнасці, у ведамстве адзначалі, што ўкраінскую мяжу ў пункце пропуску Крым незаконна перасеклі 6 ваенных аўтамабіляў і 200 чалавек у камуфляванай уніформе.
4 сакавіка Мінабароны Украіны паведаміла пра тое, што ў Крыме 16 тысяч расейскіх салдат.
Фота: AFP