Баевікі вылучылі новы ўльтыматум украінскім салдатам у Крыме
12- 7.03.2014, 15:18
- 20,465
Расейскія вайскоўцы і сепаратысты патрабуюць здаць запасны камандны пункт тактычнай групы «Крым».
Пра гэта піша ў сваім акаўнце ў сацыяльнай сетцы «Фэйсбук» актывіст групы «Інфармацыйны супраціў» Дзмітрый Тымчук.
«У 13:30 над украінскім ваенным шпіталем, размешчаным у горадзе Севастопаль блізу бухты Амега, на працягу працяглага часу здзяйсняе палёты пара расейскіх штурмавых верталётаў Мі-24.
У гэты час да запаснога каманднага пункта тактычнай групы «Крым» прыбылі сілы расейскіх войскаў і вылучылі ўльтыматум, каб на працягу трох гадзін украінскія вайскоўцы вызвалілі тэрыторыю ЗКП», - піша Дзмітрый Тымчук.
У выпадку невыканання ўльтыматуму расейскія вайскоўцы пагражаюць ужыць сілу.