Украінскі ўрадавы самалёт зрабіў 14 кругоў над «Барыспалем»
2- 7.03.2014, 16:02
- 69,136
Самалёт узляцеў сёння ў 3:15 і прызямліўся ў 4:35, зрабіўшы над Кіевам 14 кругоў.
Чытач «Нашай Нiвы», які назіраў за паветранай прасторай Украіны праз сайт flightradar24.com, даслаў цікавае назіранне.
У 3:15 па кіеўскім часе з аэрапорта ў Барыспалі ўзляцеў самалёт з рэгістрацыйным нумарам UR-ABA, які належыць украінскаму ўраду. Ён паўтары гадзіны кружыў над аэрадромам, пасля чаго прызямліўся ў Барыспалі ў 4:35. Па падліках чытача, самалёт паспеў развярнуцца ў паветры 14 разоў.
Супрацоўнікі ўкраінскага дзяржаўнага прадпрыемства абслугоўвання паветранага руху Украіны «Украэрарух» не паведамілі, чым былі абумоўленыя такія дзіўныя паводзіны самалёта.
Самалёт Airbus A319-115 (CJ) у канфігурацыі VIP належыць ураду Украіны са снежня 2008 года. Да гэтага лайнер быў уласнасцю аўстрыйскай кампаніі Jetalliance.