Foreign Policy: Пуцін чакае, якую цану выставіць Захад за ўварванне ў Крым

Уладзімір Пуцін уварваўся на Украіну не таму, што мог, а таму што быў вымушаны гэта зрабіць.

Усе самыя важныя дыпламатычныя рашэнні любой краіны ў сутнасці прадыктаваныя меркаваннямі ўнутранай палітыкі, сцвярджае аглядальнік Foreign Policy Леан Аран (пераклад - Inopressa.ru). Гэта адносіцца і да сённяшняй Расеі.

Эканамічны рост у Расеі застыў на адзнацы ў 1,5%, адток капіталаў працягваецца з рэкорднай хуткасцю, а большасць насельніцтва згодныя з тым, што "Адзіная Расея" - гэта партыя "жулікаў і злодзеяў". Адзінае, што можа прад'явіць у гэтай сітуацыі Пуцін, - гэта перамогі на міжнароднай арэне, тлумачыць Аран.

Аднак калі пасля трохмесячнага супрацьстаяння ў Кіеве перамагла рэвалюцыя, гэта магло быць вытлумачана выключна як стратэгічная параза Расеі ад Захаду. Рэванш стаў для Пуціна імператывам унутранай палітыкі. Гэтым і тлумачыцца адрыньванне Крыма - палітычнай "ахілесавай пяты" Украіны, гаворыцца ў артыкуле.

Прадэманстраваўшы ўражальную рашучасць і эфектыўнасць - менавіта такое ўражанне Пуцін імкнецца вырабляць у сябе дома, - Крэмль узяў паўзу. Войскі высадзіліся, але зброя маўчыць. Перш чым рухацца далей, Пуцін вызначае, якую цану Захад гатовы прымусіць яго заплаціць за экспедыцыю ў Крым, мяркуе аўтар артыкула.

Калі расейскі прэзідэнт сапраўды анэксіруе Крым або ўвядзе войскі ў іншыя рэгіёны Украіны, ЗША і ЕЗ могуць замарозіць рахункі расейскай эліты і забараніць ёй уезд на сваю тэрыторыю. Падобныя санкцыі супраць украінскіх палітыкаў з "крывёю на руках" паказалі сваю эфектыўнасць: паплечнікі Януковіча "скакалі з карабля" пачкамі, нагадвае аглядальнік. Ці апынецца расейская эліта больш устойлівай ці больш ўразлівай да падобнага роду санкцый?

Заходнія лідары павінны зразумець, скрозь якую прызму Крэмль глядзіць на гэты крызіс, справакаваны адным чалавекам. "Тыя, хто сцвярджае, што Пуцін здзяйсняе ўчынкі накшталт захопу Крыма проста таму, што можа, не правы. Ён здзяйсняе іх, таму што павінен, таму што лідар амаль збанкрутавалага маральна рэжыму падчас вострага эканамічнага спаду не можа дазволіць сабе буйное дыпламатычнае паражэнне, а вялікая дэманстрацыя сілы - гэта амаль усё, што ў яго засталося ў запасе. Пуцін увязаўся ў рызыкоўную ўкраінскую авантуру з невядомым канцом, галоўным чынам, па ўнутраных меркаваннях; тым, хто спрабуе яе завяршыць, будзе карысна памятаць пра гэта, калі яны думаюць, як годна расхлябаць кашу, завараную Уладзімірам", - падкрэслівае Аран.