У Армянску абстралялі самалёт памежнай службы Украіны
6- 8.03.2014, 20:47
- 11,061
Дзяржаўная памежная служба Украіны заяўляе аб абстрэле памежнага самалёта экстрэмістамі на адміністрацыйнай мяжы з Крымам ў горадзе Армянск.
«Сёння а 17.30 на адміністрацыйнай мяжы АР Крым узброеныя агрэсары адкрылі агонь па памежнаму самалёту. Лёгкі самалёт Дзяржаўнай памежнай службы, на борце якога няма ўзбраення, здзяйсняў патруляванне дзяржаўнай мяжы і памежных раёнаў. Пралятаючы на мяжы Крыма з боку населенага пункта Армянск, экіпаж зафіксаваў стральбу па самалёце. Экстрэмісты адкрылі агонь з аўтаматычнай зброі. Пілоты здзейснілі рэзкі манеўр, знізіліся на лімітавую вышыню і з разгонам хуткасці адышлі ад курсу. Зараз самалёт вярнуўся ў пункт базавання», - паведамляе прэс-служба Дзяржаўнай памежнай службы Украіны.
Паводле паведамлення, у выніку абстрэлу экіпаж і самалёт не пацярпелі.
Цяпер у Крыме узброеныя расейскія агрэсары спрычыняюцца да любых бясчынстваў, ствараюць маральна-псіхалагічны ціск на памежнікаў, пагражаюць фізічнымі расправамі, дэзынфармуюць і запалохваюць. У гэты раз яны ўжылі агнястрэльную зброю, нягледзячы на чалавечыя жыцці», - падкрэслілі ў ведамстве.