Захопнікамі абладміністрацыі Данецка камандуе расеец з-пад Растова
21- 15.04.2014, 17:27
- 42,685
Будынак кантралююць 500 баевікоў.
Пра гэта, як напісаў у сваім акаўнце ў сацыяльнай сетцы «Фэйсбук» кіраўнік украінскага Цэнтра ваенных даследаванняў Дзмітрый Тымчук, паведамляюць эмісары «Інфармацыйнага Супраціву».
«Будынак Данецкай дзяржаўнай адміністрацыі ўтрымліваюць каля 500 баевікоў, палова з якіх узброеная стралковай зброяй. У начны час да аховы будынка далучаюцца неабыякавыя мясцовыя жыхары.
На 4 паверсе захопнікі арганізавалі прэс-цэнтр. На 8-м паверсе АДА размясціўся штаб «Апора», на 11 - сепаратысцкай арганізацыі «Данецкая рэспубліка».
Абаронай АДА кіруюць 5 «камандзіраў», адзін з якіх наўпрост заяўляе, што з'яўляецца расейскім вайскоўцам з Растоўскай вобласці.
Ва ўнутраным двары адміністрацыі баевікі праводзяць навучанне і трэніроўку 100-120 маладых людзей узросту 16-18 гадоў», - напісаў Дзмітрый Тымчук.
Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ, якія прывабліваюць баевікоў зброевым арсеналам.
Фота: 62.ua