Прафесар Бранскага ўніверсітэта пазбег шарыяцкага суда ў Іраку
2- 16.04.2014, 18:00
- 7,281
Арыштаваны ў Іраку выкладчык Бранскага дзяржаўнага ўніверсітэта, які абвінавачваўся ў спробе вывазу культурных каштоўнасцяў, вызвалены.
Пра гэта РІА Новости паведаміў сябра Савета Федэрацыі ад Бранскай вобласці Міхаіл Марчанка.
З ягоных слоў, Міністэрства замежных спраў, а таксама амбасада Расеі ў Багдадзе распачалі ўсе неабходныя крокі для вызвалення расейца.
Напачатку красавіка Аляксандр Гарбачоў прыбыў з Егіпта ў Ірак у якасці турыста. Перад ад'ездам на вуліцы горада Басра мужчына знайшоў і забраў на памяць некалькі камянёў і гліняных чарапкоў. Аднак памежнікі затрымалі яго на мытні і прад'явілі абвінавачванне ў спробе вывазу культурных каштоўнасцяў. Знаходкі былі накіраваны на экспертызу. Калі б падазрэнні іракскіх улад пацвердзіліся, Гарбачову магло пагражаць пажыццёвае зняволенне.