Ургант: Лукашэнка лёг на захаванне ў радзільню (Відэа)
18- 17.04.2014, 16:25
- 57,317
Папулярны тэлевядучы распавёў пра ўдзел Лукашэнкі ў нядаўнім суботніку.
У праграме «Вячэрні Ургант» на Первом российском канале ён сказаў:
«Ёсць навіна пра суботнік, якая прыйшла да нас з Беларусі: Лукашэнка папрацаваў на будаўніцтве радзільні. Каб прыехаць на суботнік, ён сам сеў за руль аўтамабіля для таго, каб, па яго словах, яшчэ і ацаніць якасць дарог. Мала хто ведае, у навінах пра гэта не гаворыцца, што далей Лукашэнка сам разабраў аўтамабіль, сабраў яго зноўку, каб ацаніць якасць МАЗа. Потым ён паехаў у радзільню, пабудаваў яе і сам жа там лёг на захаванне, каб зразумець якасць працы лекараў і персаналу. У дадзены момант, літаральна на днях, ён збіраецца праверыць працу акушэркі або, як кажуць у Беларусі, спавівальнай бабкі».
Нагадаем, падчас суботніка дыктатар «працаваў» на будаўніцтве новага акушэрска-гінекалагічнага корпуса 5-й гарадской клінічнай бальніцы.