У якую суму абыходзіцца Расеі Пуцін?

Анэксія Расеяй Крыма паварочваецца непрадуманай растратай сродкаў.

"Колькі каштуе ўкраінская авантура Уладзіміра Пуціна на самой справе? Аказваецца, Расея плаціць даволі дорага", - піша віцэ-прэзідэнт American Foreign Policy Council Ілан Берман у артыкуле для The Wall Street Journal.

Новая статыстыка Цэнтрабанка Расеі паказвае, што амаль 51 млрд даляраў выцяклі з краіны ў першай чвэрці 2014 года. Гэтыя ўцёкі капіталу, згодна з фінансавым сайтам Quartz.com, шмат у чым з'яўляюцца вынікам боязі інвестараў з-за ўварвання Расеі ва Украіну, гаворыцца ў артыкуле. Аўтар таксама адзначае зніжэнне прагнозу эканамічнага росту Расеі ў бягучым годзе да 1%.

Анэксія Расеяй Крыма паварочваецца непрадуманай растратай сродкаў. Крэмль ужо вылучыў амаль 7 млрд даляраў эканамічнай дапамогі паўвостраву на 2014 год - гэта сродкі, якія будуць выдаткаваныя на ўсе, ад інфраструктуры да павелічэння пенсій мясцовым жыхарам. Нават з улікам чаканых даходаў ад энергетычных рэсурсаў Крыма і эканоміі на ўтрыманні ваенна-марскіх баз, гэта выдаткі, якія наўрад ці можа дазволіць сабе расейская эканоміка.

"Сітуацыя будзе яшчэ больш небяспечнай, калі эканамічны ціск Захаду, які ўсё яшчэ застаецца мінімальным, павялічыцца", - папярэджвае аўтар артыкула.

Былы міністр фінансаў краіны Аляксей Кудрын прагназуе, што манеўры Масквы на Украіне могуць прывесці да ўцёкаў капіталу ў памеры 160 млрд. даляраў у гэтым годзе. Паводле яго заключэння, у выніку расейская эканоміка апынецца ў стане застою, адзначае Ілан Берман.

"Рана ці позна Крамлю стане значна цяжэй працягваць ігнараваць рэальную цану , звязаную з яго палітыкай", - піша аўтар , лічачы , што гэта адбудзецца даволі хутка.