У Менску праз месяц пачнуць адключаць гарачую ваду

Адключэнне гарачага водазабеспячэння ў сталіцы пачнецца з 26 траўня.

Пра гэта паведамілі БелТА ў прэс-службе Менгарвыканкама.

Час спынення падачы гарачай вады будзе максімальна скарочаны, і ў выпадку паспяховых выпрабаванняў трубаправодаў цеплавых сетак і адсутнасці дэфектаў, якія патрабуюць выканання незапланаваных рамонтна-аднаўленчых работ, не будзе перавышаць 14 сутак.

У прэс-службе адзначылі, што падчас выпрабаванняў магчымыя пашкоджанні цеплаправодаў. Пры выяўленні цечы вады або пары з зямлі, калодзежаў, правалаў грунту неабходна тэрмінова паведаміць дыспетчару філіяла "Менскія цеплавыя сеткі" па тэлефонах 298-27-27, 298-27-37, дыспетчару ЦДС РУП "Менскэнерга" па тэлефоне 327-35-24 або ў КУП "ЖЭУ".

Дадатковую інфармацыю пра канкрэтныя тэрміны ўключэння гарачага водазабеспячэння пасля правядзення прафілактычных рамонтных прац можна атрымаць у адпаведных КУП "ЖЭУ".