Джозэф Байдэн: ЗША дапамогуць Украіне дамагчыся газавай незалежнасці
4- 22.04.2014, 12:02
- 5,084
ЗША гатовыя дапамагчы Украіне знізіць залежнасць ад паставак энергарэсурсаў з Расеі.
Пра гэта, як перадае АP, заявіў віцэ-прэзідэнт ЗША Джозэф Байдэн у аўторак у Кіеве, паведамляе «Інтэрфакс-Украіна».
Акрамя таго, ён запэўніў, што Вашынгтон падтрымлівае Кіеў у імкненні супрацьстаяць «зневажальным пагрозам».
Пры гэтым агенцтва не ўдакладняе, пра якія менавіта пагрозы ідзе гаворка. У ходзе выступлення перад украінскімі палітычнымі лідарамі Байдэн заклікаў іх «змагацца супраць ракавай пухліны пад назвай карупцыя».
Акрамя таго, віцэ-прэзідэнт ЗША таксама падкрэсліў, што ва ўкраінскіх палітыкаў цяпер з'явілася гістарычная магчымасць стварыць па-сапраўднаму адзіную краіну.
Фота: Reuters