Лукашэнка: «Навошта ты на ноч жрэш бульбу з мясам?»
110- 22.04.2014, 13:23
- 70,858
Дыктатар заклікаў беларусаў адмовіцца ад звыклага спалучэння бульбы з мясам.
«Я, вядома, многае і сам пакаштаваў. Але вы мяне прабачце, навошта есць мяса з бульбай?» - заявіў Лукашэнка.
«Навошта ты на ноч жрэш бульбу з мясам? Як ты будзеш спаць?» - задаў ён рытарычнае пытанне. «Не еш з мясам, з'ясі з селядцом», - працягнуў ён.
Ён са шкадаваннем канстатаваў, што ў краіне не шануецца здаровы лад жыцця, піша «Інтэрфакс».
«Спортам мы не хочам займацца, жром абы што і як папала. Самі сябе труцім», - ён.
Кіраўнік растлумачыў, што «есць трэба толькі свае прадукты, ні ў якім выпадку не трэба харчавацца замежным». Лукашэнка лічыць, што прадукты замежнай вытворчасці «не для нашага арганізма».
«Труцім сябе чым папала, павышаем вагу... Раз так, плаціце за сваё здароўе самі», - заявіў ён, звяртаючыся да насельніцтва краіны.