Камандзіра «чорнай роты» «Беркута» ўзялі пад варту
3- 22.04.2014, 15:52
- 13,029
Суд зрабіў больш жорсткай меру стрымання для камандзіра роты "Беркута" Дзмітрыя Садоўніка.
Апеляцыйны суд Кіева змяніў меру стрымання з хатняга арышту на ўтрыманне пад вартай камандзіру роты былога спецпадраздзялення "Беркут" Дзмітрыю Садоўніку, якому інкрымінуюць арганізацыю расстрэлу актывістаў Еўрамайдана. Такое рашэнне абвясціў суддзя Віктар Гліняны ў ходзе пасяджэння, перадае карэспандэнт РБК-Украіна.
"Скаргу пракурора задаволіць... Ужыць меру стрымання Садоўніку ў выглядзе ўтрымання пад вартай да 1 чэрвеня", - заявіў Гліняны.
Такім чынам, суд задаволіў апеляцыю пракурора на рашэнне Пячэрскага раённага суда Кіева ад 5 красавіка 2014 года, якім суд выбраў Садоўніку меру стрымання ў выглядзе хатняга арышту.
Маёр Дзмітрый Садоўнік - былы камандзір спецыяльнай так званай "чорнай роты" "Беркута", байцоў якой падазраюць у масавым расстрэле людзей на вуліцы Інстытуцкай у Кіеве 20 лютага.