Суд арыштаваў маёмасць Адэскага НПЗ алігарха Курчанкі

Суд арыштаваў маёмасны комплекс і зямельны ўчастак Адэскага нафтаперапрацоўчага завода.

Такое рашэнне ўступае ў законную сілу 24 красавіка, паведамляе прэс-служба МУС Украіны.

Следчымі расследуюцца факты незаконнага ўвозу і рэалізацыі нафтапрадуктаў на тэрыторыі дзяржавы.

Як пераконвае следства, з выкарыстаннем шэрагу суб'ектаў прадпрымальніцкай дзейнасці на працягу двух апошніх гадоў на тэрыторыю Украіны ўвозіліся нафтапрадукты, якія згодна з фіктыўнымі дакументамі, нібыта экспартаваліся.

На самой жа справе, нафтапрадукты, якія ўвозіліся, захоўваліся на нафтабазах у Кіраваградскай, Ровенскай, Чаркаскай, Адэскай, Кіеўскай, Харкаўскай і Хмяльніцкай абласцях, з якіх у далейшым рэалізоўваліся айчынным спажыўцам.

Следчыя ацэньваюць агульную суму "таргоў" у каля 36 мільярдаў грыўняў.

Для кампенсацыі нанесенай дзяржаве шкоды ўжо канфіскавана і арыштавана больш за 75 тысяч тон нафтапрадуктаў.

Акрамя таго, судом прынятае рашэнне аб арышце маёмаснага комплексу і зямельнага ўчастка Адэскага НПЗ.

Адэскі НПЗ знаходзіцца ва ўласнасці групы "ВЕТЭК" блізкага да "сям'і" Віктара Януковіча бізнесмена Сяргея Курчанкі. Па некаторых звестках сам алігарх можа знаходзіцца на тэрыторыі Беларусі.