У цэнтры Кіева разбіраюць барыкады
- 22.04.2014, 17:33
- 7,500
Камунальнікі ўжо вызваляюць вуліцу Грушэўскага і Еўрапейскую плошчу.
Работнікі камунальных службаў разбіраюць барыкаду каля Дома прафсаюзаў з боку Еўрапейскай плошчы ў Кіеве, паведаміла ў аўторак, 22 красавіка, інфармагенцтва УНІАН.
У цэнтры сталіцы Украіны цяпер працуе каля 20 камунальнікаў. Таксама там знаходзіцца спецтэхніка, у прыватнасці, пагрузчык і грузавік Кіеўаўтадора.
Так, сёння камунальнікі працягнулі вызваляць ад барыкад вуліцу Грушэўскага і Еўрапейскую плошчу каля Дома прафсаюзаў. Апошняя лічыцца адной з самых вялікіх барыкад. Яна пабудаваная з рознага металалому, шын і смецця.
