Bloomberg: МВФ ухваліў вылучэнне Украіне крэдыту ў $17 мільярдаў

Супрацоўнікі Міжнароднага валютнага фонду ўхвалілі вылучэнне Украіне крэдыту ў памеры 17 млрд дал.

Пра гэта паведамляе амерыканскае выданне Bloomberg са спасылкай на свае крыніцы, інфармуе еizvestia.com.

«Каб дапамагчы ўраду Украіны плаціць па сваіх даўгах на фоне прагназаванага эканамічнага спаду на 5% у гэтым годзе», - адзначылі ў МВФ.

Адпаведны даклад супрацоўнікаў МВФ быў прадстаўлены членам Савета дырэктараў МВФ увечары 22 красавіка. Савет МВФ разгледзіць гэты крэдытны пакет 30 красавіка.

Нагадаем, пасля некалькіх тыдняў перамоваў з урадам у Кіеве супрацоўнікі МВФ прыйшлі да высновы, што Украіна мае патрэбу ў фінансаванні з фонду ў дыяпазоне ад 14 да 18 млрд дал.