Геймераў з Расеі актыўна «баняць» у Battlefield 4

Расейскіх геймераў масава «баняць» з-за палітыкі Расеі ў дачыненні да Украіны.

Аматары гульні Battlefield 4 паведамляюць, што за апошнія два месяца пачасціліся выпадкі блакавання доступу да сервераў папулярнага ваеннага шутэра для гульцоў з Расеі, паведамляе itexpert.org.ua.

Доступ да некаторых сервераў папулярнай гульні тлумачыцца негатыўнай палітыкай Расеі ў дачыненні да Украіны. Спробы далучыцца да гульні на некаторых замежных серверах часцяком суправаджаюцца паведамленнямі: «Свабодная Украіна! Не захопнікам!», «Расейскім акупантам уваход забаронены», «Путлер Капут» і іншымі.

Пры гэтым выдавец Battlefield 4, амерыканская кампанія Electronic Arts, не валодае правамі на допуск да сервераў гульні, так як падае іх у арэнду прыватным асобам. Пазбаўляць права на доступ да сервера можа толькі арандатар сервера. Часцей іншых на свае серверы не пускаюць арандатары з ЗША, Германіі і Нідэрландаў.

Расейскія гульцы таксама паведамляюць пра негатыўнае стаўленне да сябе з боку замежных аматараў шутэра. У прыватнасці, на форуме Battlefield 4 адзін з карыстальнікаў піша: «Мяне наогул на серверах банілі толькі за тое, што я рускі! Звычайна на заходніх серверах, па тыпу Германіі, Фінляндыі, Нідэрланды, ЗША. Было такое што гулялі ўзводам і размаўлялі ў чаце па па-руску, на амерыканскім серверы. Вынік: забанілі ўвесь узвод».