Пасольства ў Кіеве не ведае пра беларусаў у Славянску
2- 24.04.2014, 19:58
- 6,179
У пасольстве Беларусі ў Кіеве паведамілі, што не валодаюць звесткамі аб знаходжанне беларускіх грамадзян у Славянску.
Таксама ў дыпмісіі не ведаюць пра нашых суайчыннікаў, якія пацярпелі падчас контртэрарыстычнай аперацыі, паведамляе БелаПАН.
«Паводле звестках, атрыманых з кампетэнтных органаў Украіны, такой інфармацыі няма», - заявіў консул амбасады Сяргей Бабоў.
Пра прысутнасць грамадзян Беларусі сярод тэрарыстаў, якія захапілі Славянск, піша выданне Time, журналіст якога - Сайман Шустэр - быў узяты ў палон баевікамі. Ён паведамляе, што акрамя грамадзян Расеі, у горадзе прысутнічаюць прадстаўнікі іншых краін СНД. Журналіст згадвае Беларусь і Казахстан.
«Іх лідэр, Вячаслаў Панамароў, вытворца мыла, якія прысвоіў тытул «народнага мэра» пасля захопу ўлады, заклікаў сабе на дапамогу прэзідэнта Расеі Уладзіміра Пуціна, але, відаць, гэты заклік быў праігнараваны, - піша журналіст. - Узброеныя сілы, якія яму падпарадкоўваюцца, складаюцца, з ягоных словах, з добраахвотнікаў, якія прыехалі з Расеі, Беларусі, Казахстана і іншых частках былога Савецкага Саюза».
Як сцвярджае карэспандэнт Time, у Славянску цяпер знаходзяцца больш за 2 тысячы баявікоў.