Жырыноўскі абяцае «вярнуць» Януковіча ва Украіну 1 траўня

Віцэ-спікер Дзярждумы заявіў, што збеглы экс-прэзідэнт Украіны вернецца ў краіну.

Пра гэта Уладзімір Жырыноўскі заявіў у эфіры радыёстанцыі «Эхо Москвы».

«Януковіч. Ён вернецца ў сваю рэзідэнцыю, ён законны прэзідэнт, - заявіў палітык. - Арміі ўжо створана Паўднёва-Усходу Украіны, ёсць свае камандуючыя, начальнікі штабоў, прынеслі прысягу народу Украіны. А тыя фальшываманетчыкі, якія сядзяць у Кіеве, яны ўсе будуць арыштаваныя. Але яны ўцякуць, у іх ва ўсіх самалёт стаіць. Турчынаў, Яцанюк, Налівайчанка, Парубій і ўсе астатнія, там, 5-6 чалавек».

Паводле яго слоў, сотні тысяч людзей, якія выходзілі на Майдан, «атрымаюць новую ўладу».

«У нас 1 траўня хутка свята, у чарговы раз людзі выйдуць на вуліцы нашы. Салідарнасць з Украінай, - заявіў Жырыноўскі. - Да гэтага часу ўжо Януковіч будзе ў Кіеве, і мы выкажам з ім пачуццё салідарнасці».

Раней вяртанне Януковіча прадракалі да Вялікадня, крымскага «рэферэндуму» і 9 траўня, аднак збеглы прэзідэнт пакуль абмяжоўваецца заявамі і зваротамі, якія робіць з Растова-на-Доне.