Беларускія банкі будуць прымаць валюту з пашкоджаннямі

Нацыянальны банк Беларусі рэкамендаваў банкам прымаць ад грамадзян валюту з нязначнымі пашкоджаннямі.

Таксама рэгулятар перагледзіць пералік прыкмет плацежнасці банкнот у замежнай валюце, піша БелТА.

У Нацбанк перыядычна паступаюць скаргі грамадзян на тое, што той ці іншы банк адмовіўся прымаць у іх банкноты ў замежнай валюце, якія маюць нязначныя пашкоджанні, такія як надрывы, пацёртасці і нават забруджванні, якія ўтварыліся ў працэсе эксплуатацыя банкноты. Забракаваць валюту могуць і з-за плямаў, якія люмінесцуюць ва ўльтрафіялетавых промнях.

Каб умацаваць давер грамадзянаў да дзейнасці банкаўскай сістэмы, Нацбанк рэкамендаваў перагледзець устаноўлены ў адпаведнасці з нарматыўнымі прававымі актамі (з патрабаваннямі замежных банкаў ці банкаў-пасярэднікаў, з якімі заключаныя адпаведныя дамовы) пералік прыкмет плацежнасці банкнот у замежнай валюце і пры неабходнасці ўнесці адпаведныя змены, якія дазваляюць забяспечыць належную якасць абслугоўвання кліентаў.