МУС Украіны: Тэрарысты спрабуюць дэстабілізаваць сітуацыю ў Адэсе
2- 25.04.2014, 12:14
- 6,914
Выбух на блокпосце ў Адэсе - спроба пасеяць паніку сярод жыхароў горада.
Намеснік міністра ўнутраных спраў Украіны па грамадскай бяспецы, генерал-лейтэнант Сяргей Яравы заяўляе пра спробу тэрарыстаў дэстабілізаваць сітуацыю на поўдні краіны. Пра гэта паведамляе прэс-служба МУС краіны.
Па словах генерал-лейтэнанта Сяргея Яравога, тактыка тэрарыстаў - правакацыя ахвяраў, спробы выклікаць паніку сярод насельніцтва і запалохаць тых, хто ўстае на абарону свайго горада ад замежных захопнікаў.
«Я звяртаюся да сваіх землякоў, да адэсітаў: уставайце на абарону свайго горада, лавіце дыверсантаў, патрулюйце вуліцы, будзьце пільнымі і не паддавайцеся на правакацыі! Адэса заўсёды была і будзе ганарлівым і свабодным горадам, мы не павінны дазволіць навязваць нам чужую злосную і злачынную волю! Мы самі вызначым сваю будучыню», - падкрэсліў Сяргей Яравы.
Нагадаем, выбух на блокпосце прагрымеў сёння ноччу. Раненні атрымалі сем чалавек. Пацярпелыя дастаўленыя ў бальнічныя ўстановы, дзе ім аказалі першую медыцынскую дапамогу.
На месцы здарэння працуе следча-аператыўная група і спецыялісты выбухатэхнічнай службы. Устанаўліваюцца ўсе абставіны гэтага здарэння.