Украінскія вайскоўцы блакуюць тэрарыстаў у Славянску
16- 25.04.2014, 13:46
- 40,555
У горадзе сёння пачаўся другі этап антытэрарыстычнай аперацыі.
Яе мэта заблакаваць тэрарыстаў у населеным пункце. Пра гэта на брыфінгу заявіў в.а. кіраўніка адміністрацыі прэзідэнта Украіны Сяргей Пашынскі, піша ЛІГАБізнесІнформ.
"20 хвілін таму ў рамках АТА спецпадраздзяленні пачалі другі этап аперацыі. Мы прынялі рашэнне цалкам заблакаваць Славянск, каб не даць магчымасці ўвесці падмацаванне і лакалізаваць гэтую праблему", - сказаў Пашынскі.
Па словах Пашынскага, начная выведка пацвердзіла, што тэрарысты размясцілі некаторыя свае пункты ў дзіцячых садках і бальніцах.
"Ніякай палітыкі няма. У Славянску класічныя тэрарысты, якія прыкрываюцца жанчынамі і дзецьмі", - адзначыў Пашынскі, дадаўшы, што ўсе тэрарысты будуць арыштаваныя або ліквідаваныя.
Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ, якія прывабліваюць баевікоў зброевым арсеналам.
У адказ улады Украіны прынялі рашэнне аб пачатку антытэрарыстычнай аперацыі ва ўсходніх рэгіёнах краіны. На Данбас перакінулі вайскоўцаў і тэхніку. 24 красавіка ўкраінская армія пачала вызваленне Славянска.