Амерыканскі комік высмеяў хлусню Пуціна (Відэа)

Вядучы папулярнага ў ЗША тэлешоў The Daily Show with Jon Stewart дасціпна высмеяў расейскага прэзідэнта.

Відэа, агучанае па-руску, размясціў у сваім блогу Андрэй Бачараў.

Падставай для жартаў сталі супярэчлівыя заявы Уладзіміра Пуціна пра прысутнасць расейскіх войскаў на тэрыторыі Крыму падчас правядзення там «рэфэрэндуму» аб незалежнасці паўвострава. Як вядома, прэзідэнт РФ спачатку сказаў, што іх там не было, аднак пазней сам сябе абверг.

Праграму The Daily Show with Jon Stewart, якая транслюецца кабельным каналам Comedy Central, вядзе вядомы ў ЗША палітычны сатырык Джон Сцюарт, у 2010 годзе прызнаны самым уплывовым чалавекам ЗША на аснове галасавання 500 тысяч чытачоў часопіса «Аскмэн».