Суд у Гаазе пачаў расследаванне злачынстваў Януковіча

Пакуль расследаванне папярэдняе.

Пракурор Міжнароднага крымінальнага суда Фоту Бэнсуда адкрыла папярэдняе расследаванне па заяве Украіны аб злачынствах, учыненых пры рэжыме Віктара Януковіча.

Пра гэта гаворыцца ў паведамленні, апублікаваным у пятніцу на афіцыйным сайце суда.

Як вядома, урад Украіны падаў заяву ў адпаведнасці з Рымскім статутам, які прызнае юрысдыкцыю Міжнароднага крымінальнага суда (МКС) у дачыненні да злачынстваў, учыненых на тэрыторыі Украіны з 21 лістапада 2013 года па 22 лютага 2014 года.

Пракурор МУС вырашыла адкрыць папярэдняе расследаванне сітуацыі ва Украіне для таго, каб устанавіць, ці ёсць падставы для пачатку поўнага расследавання.

Раней Грамадская камісія па расследаванні і папярэджанні парушэнняў правоў чалавека ва Украіне пачала складаць спіс вышэйшых службовых асоб, якія маюць дачыненне да неправамернага прымянення сілы супраць удзельнікаў акцый пратэсту ў Кіеве падчас рэвалюцыі.

Сярод службовых асоб, якія маюць дачыненне да рэпрэсій супраць украінскага народа, значацца: сам Віктар Януковіч, кіраўнік яго адміністрацыі Андрэй Клюеў, экс-міністр унутраных спраў Віталь Захарчанка, экс-генеральны пракурор Украіны Віктар Пшонка, былы міністр юстыцыі Алена Лукаш, былы старшыня Вярхоўнай Рады Украіны Уладзімір Рыбак, экс-прэм'ер-міністр Украіны Мікалай Азараў і іншыя.