Хуліган «забыўся» прычыну нападу на таксістку ў Мазыры (Відэа)

Следства таксама пакуль не ведае, навошта ён гэта зрабіў.

Два нядаўніх напады на таксістаў у Мазырскім раёне і Калінкавічах адбыліся на працягу сутак, практычна побач, але пры гэтым незалежна адзін ад аднаго. У адным выпадку злачынца абрабаваў і збіў жанчыну, якая падвозіла яго, пасля чаго машына апынулася ў кювеце. У іншым - рэцыдывіст з такім жа сябрам напалі на мужчыну, які вёз іх дадому. Тэлеканал ОНТ распавядае пра некаторыя абставіны расследавання гэтых крымінальных спраў.

На абочыне скончылася паездка з Мазыра ў адну з прыгарадных вёсак. Таксі вынесла на сустрэчную, машына некалькі разоў перакулілася. Аварыю справакавала гаспадыня аўтамабіля. Толькі такім спосабам яна змагла вызваліцца ад пасажыра, які сярод белага дня спачатку адабраў грошы і збіў яе, а затым вырашыў пракаціцца. Пасля ДТЗ дзяўчына пабегла па дапамогу, схаваўся і рабаўнік. Па гарачых слядах яго затрымалі праз некалькі гадзін.

Намеснік начальніка Мазырскага раённага ўпраўлення Следчага камітэта Аляксей Маршалаў распавёў: "Ён адмаўляецца ісці на кантакт са следствам. Не памятае, кажа, што быў п'яны. Дакладна ўстанавіць яго мэты пакуль не можам.

Крымінальная справа пакуль распачатая за рабаванне. Пасля ўсіх экспертыз да мужчыны можа быць ужыты артыкул «разбой» - гэта таксама напад, але з пагрозай жыццю і пакараннем тэрмінам да 15 гадоў. Дзяўчына - кіроўца таксі ў аварыі сур'ёзна не пацярпела. І прасіла не называць яе імя. У яе двое дзяцей, на працу яна выязджала толькі днём, каб не трапіць у крымінальную гісторыю".

Літаральна ў гэты ж час крымінальны сюжэт разгарнуўся ў 30 кіламетрах ад Мазыра. Двое мясцовых жыхароў ехалі ў Калінкавічы з Оршы, дзе адзін у гэты ж дзень вызваліўся з калоніі. Кіроўцу збівалі і патрабавалі грошы на кветкі да магілы маці ўчорашняга зняволенага і на алкаголь.

Зняволены правёў на волі каля 6 гадзін. Супраць яго і яго сябра распачата некалькі крымінальных спраў.