Андрэй Парубій: Украіна знаходзіцца ў стане вайны
1- 25.04.2014, 15:48
- 16,720
Украінцам трэба рыхтавацца да ўварвання расейскіх войскаў, якое можа адбыцца ў любы момант.
Пра гэта сакратар Савета нацыянальнай бяспекі і абароны Украіны Андрэй Парубій заявіў пра гэта пасля сустрэчы з байцамі 1-га батальёна Нацыянальнай гвардыі Украіны ў Паўлаградзе, перадае «Інтэрфакс».
«Краіна ў стане вайны», - сказаў Парубій журналістам. Паводле яго слоў, мэта Расеі - справакаваць грамадзянскі канфлікт, таму нельга выключаць уварвання расейскіх войскаў, значыць, «рыхтавацца да яго неабходна».
Андрэй Парубій аб'язджае ўсе ўсходнія вобласці Украіны для азнаямлення з працай блокпостаў. У Днепрапятроўскай вобласці ён пабываў на блокпостах, якія мяжуюць з Данецкай вобласцю. У Паўлаградзе сустрэўся з байцамі Першага батальёна Нацыянальнай гвардыі, які размешчаны на тэрыторыі адной з вайсковых частак.
У Першым батальёне Нацыянальнай гвардыі служыць 220 актывістаў Майдана, у асноўным жыхары Заходняй Украіны.
Па просьбе байцоў Нацгвардыі, адбылася гадзінная размова з Парубіем «сам-насам». Пра што ішла гаворка на гэтай сустрэчы, бакі не выдаюць. Разам з тым, большасць гвардзейцаў засталіся задаволенымі вынікамі размовы.
Парубій перадаў байцам Нацгвардыі ў Паўлаградзе камплект бронекамізэлек, сродкі сувязі, прадукты харчавання, запчасткі да зброі і прыборы начнога бачання.
Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ, якія прывабліваюць баевікоў зброевым арсеналам.
У адказ улады Украіны прынялі рашэнне аб пачатку антытэрарыстычнай аперацыі ва ўсходніх рэгіёнах краіны. На Данбас перакінулі вайскоўцаў і тэхніку. 24 красавіка ўкраінская армія пачала вызваленне Славянска.