Пад Барысавам праходзяць вучэнні з баявой стральбой

Вайскоўцы адпрацоўваюць вядзенне агню з танкаў і БМП.

Раней паведамлялася, што 23 красавіка, аэрамабільная рота 103 гвардзейскай асобнай мабільнай брыгады, здзейсніла перадыслакацыю на 227 агульнавайсковы палігон Барысаўскі паветраным транспартам (верталётамі Мі-8181 баявой верталётнай базы). Авіяцыйнае прыкрыццё пасадкі і высадкі ажыццяўлялася верталётамі Мі-24, паведамляе прэс-служба Міністэрства абароны.

Ахова і абарона раёна дэсантавання аэрамабільнай роты выконвалася сіламі асобнага танкавага батальёна 11-й гвардзейскай асобнай механізаванай брыгады.

З асобным танкавым батальёнам 11-й гвардзейскай асобнай механізаванай брыгады праходзяць кантрольныя заняткі па агнявой падрыхтоўцы. На працягу ўсяго дня асабісты склад будзе выконваць кантрольныя стрэльбы з узбраення Т-72Б і БМП-2, а таксама адпрацоўваць практыкаванні па кіраванні баявымі машынамі.

Кантрольныя заняткі па баявой падрыхтоўцы стануць кульмінацыяй праверкі гатоўнасці 11 гвардзейскай асобнай механізаванай брыгады да выканання задач па прызначэнні.

Нагадаем, ва Узброеных Сілах Беларусі працягваецца праверка боегатоўнасці, распачатая са студзеня бягучага года па даручэнні Лукашэнкі. Першыя два месяцы выпрабоўвалася гатоўнасць органаў кіравання, сегмента супрацьпаветранай абароны, а таксама органаў кіравання і падраздзяленняў тэрытарыяльнай абароны. Пасля гэтага правяралася адзіная рэгіянальная сістэма СПА Беларусі і Расеі.

Большая частка вучэнняў праводзіцца ля межаў з Украінай. У іх таксама бяруць удзел вайскоўцы з Расеі.