Беларускі экспарт у Крым зваліўся ў 127 разоў
- 25.04.2014, 17:34
- 7,113
Тавараабарот Беларусі з Крымам у студзені-лютым 2014 года склаў 5,1 млн. даляраў.
Ён знізіўся амаль у 30 разоў у параўнанні са студзенем-лютым 2013 года. Пры гэтым беларускі экспарт у Крым склаў 1,14 млн. даляраў і зменшыўся ў параўнанні з аналагічным перыядам мінулага года ў 127 разоў (у студзені - лютым 2013-га Беларусь паставіла ў Крым тавараў на суму 145,4 млн. даляраў), перадае БелаПАН.
Імпарт тавараў з Крыма ў Беларусь у студзені-лютым 2014 года склаў 4,2 млн. даляраў і знізіўся ў параўнанні са студзенем-лютым 2013 года на 6,2%.
На думку экспертаў, рэзкае скарачэнне беларускага экспарту ў Крым тлумачыцца нізкай аплатнай дысцыплінай гэтага рэгіёну і, як следства, высокімі рызыкамі для вядзення бізнесу, якія ў гэтай сувязі склаліся.
Нагадаем, у сакавіку 2014 года прэзідэнт Расеі падпісаў закон аб уваходжанні Крыма і Севастопаля ў склад Расеі. Падставай для такога рашэння сталі вынікі «рэфэрэндуму», які адбыўся ў Крыме вясной гэтага года.
Лукашэнка прызнаў захоп Крыма і яго ўваходжанне ў склад Расеі.