Тэрарысты захапілі аўтобус з місіяй АБСЕ ў Славянску
37- 25.04.2014, 19:13
- 49,351
Прадстаўнікоў міжнароднай арганізацыі трымаюць у закладніках.
25 красавіка 2014 а 11:40 на ўездзе ў Славянск з боку Краматорску невядомыя баевікі спынілі аўтобус з 13 пасажырамі.
Як паведамілі ў прэс-службе МУС Украіны, у ім знаходзіліся 7 прадстаўнікоў АБСЕ, 5 прадстаўнікоў Узброеных Сіл краіны і кіроўца транспартнага сродку.
Тэрарысты скіравалі аўтобус з пасажырамі на тэрыторыю УСБУ ў Славянску. Цяпер захопленыя грамадзяне знаходзяцца там.
Цяпер прадаўжаюцца перамовы з прадстаўнікамі баявікоў. Яны адмовіліся вызваляць закладнікаў, матывуючы гэта неабходнасцю іх стасункаў з кампетэнтнымі органамі Расеі.
Інфармацыю аб тым, што сувязь з місіяй АБСЕ ў Данбасе знікла, раней распаўсюдзіў прадстаўнік МЗС Украіны Яўген Перабійніс.
«Паводле папярэдняй інфармацыі, іх маглі захапіць тэрарысты», - сказаў ён.
Перабійніс адзначыў, што калі гэта так, то гэтае злачынства не застанецца без адэкватнай рэакцыі з боку Украіны і сусветнай супольнасці.
Нагадаем, 20 красавіка кіраўнік місіі Арганізацыі бяспекі і супрацоўніцтве ў Еўропе ў Данецкай вобласці Клаўс Цылікенс заявіў, што місія выявіла прыкметы працы на тэрыторыі Украіны «замежных кансультантаў». Цылікенс паведаміў, што місія карыстаецца толькі адкрытай інфармацыяй, гэта значыць «глядзіць і піша пра тое, што бачыць на месцы». Са слоў нямецкага дыпламата, на базе гэтай інфармацыі можа быць створана не зусім поўная карціна, але ён мяркуе, што гэтая карціна аб'ектыўная.
Фота з архіву