Рутэнка дапамог «Барселоне» прабіцца ў «фінал чатырох» Лігі чэмпіёнаў

Іспанская «Барселона», за якую выступае лідар зборнай Беларусі Сяргей Рутэнка, выйшла ў «фінал чатырох» гандбольнай Лігі чэмпіёнаў.

26 красавіка на сваёй пляцоўцы ў чвэрцьфінальным матчы ў адказ супраць нямецкага «Райн-Некар Левена» каталонцы атрымалі перамогу з лікам 31:24, паведамляе БелаПАН.

Шасцю днямі раней «Барселона» саступіла ў Нямеччыне з аналагічнай розніцай (31:38). Дзякуючы большай колькасці мячоў, закінутых на выездзе, іспанскі клуб выйшаў у вырашальны раўнд.

У першай сустрэчы Рутэнка вызначыўся двойчы, у другой - пяць разоў.

У «фінал чатырох», які пройдзе ў нямецкім Кёльне 31 траўня і 1 чэрвеня, выйшлі таксама нямецкі «Фленсбург-Хандэвіт» і венгерскі «Веспрэм». Апошні ўдзельнік вызначыцца 27 красавіка ў чвэрцьфінальным матчы паміж «кілем» (Германія) і «Металург» (Македонія). У першай сустрэчы ў Скоп'е кільцы выйгралі 31:21.

Год таму «Барселона» таксама ўдзельнічала ў «фінале чатырох» і ў вырашальным матчы саступіла нямецкаму «Гамбургу» у авертайме - 29:30.

У складзе каталонцаў Рутэнка выйграў Лігу чэмпіёнаў у 2011 годзе. Усяго на яго рахунку пяць тытулаў. Адзін заваяваны ў складзе славенскага «Мэта» у 2004 годзе, яшчэ тры - у складзе іспанскага клуба «Сьюдад-Рэаль» (у 2006, 2008 і 2009 гадах).