Anonimous: Расея пазбавіла Крым вады і абвінаваціла ў гэтым Украіну

Расейскія ўлады адключылі помпы, каб вада не паступала ў Крым, а мясцовыя жыхары вінавацілі ва ўсім Кіеў.

Пра гэта паведамляе Anonymous са спасылкай на ўласныя крыніцы.

«Дэманструем вам горад Чырвонаперакопск - для многіх гэты горад наогул ні чым не адметны, - тлумачаць актывісты арганізацыі. - У гэтым горадзе знаходзіцца помпавая станцыя, якая ажыццяўляе далейшае праходжанне вады на паўвыспу Крым. Ёсць усім вядомае Кахоўскае вадасховішча, якое мае вышыню над узроўнем мора ў межах 22-23 метраў. Далей з яго вада самацёкам пападае ў Армянск, які ў 9 метрах ад мора. А вось далей пачынаецца самае цікавае. Як толькі вада дацякае да Чырвонаперакопску - тут адбываецца павелічэнне ўзроўню да 12 метраў - у выніку чаго ці дакладней праз што ў гэтым горадзе былі ўсталяваныя дадатковыя помпавыя збудаванні для падачы вады на паўвыспу Крым. Вада ў Паўночна-Крымску ёсць. Праблема ў тым, што расейскія ўлады адключылі помпы, каб вада не паступала ў Крым. Далей першы канал стварыў кучу сюжэтаў пра тое, што нібыта ўлады Украіны перакрылі ваду. На самай справе яе проста Пуцін не пампуе вам».

Вось тое месца, дзе ўсталяваныя помпы для падачы вады ў Крым. Вадзе патрэбныя помпы. Але замест гэтага Аксёнаў кажа ўсім, што ваду перакрылі ўкраінцы, каб крымчукі лаялі ўкраінцаў і расейцы думалі, што ва ўсім вінаватая Украіна, паведамляе сайт.

У пацверджанне Anonymous прыводзяць схему помпавай станцыі №1, якая з іх слоў і не пампуе ваду ў Крым.

«Сярод лістоў, што паступілі - прыйшоў адзін з тэкстам, што помпавая станцыя не знаходзіцца ў самым Чырвонаперакопску, а яна размешчаная ў 60 кіламетрах ад яго паблізу горада Джанкой. Вось дакладная схема», - удакладнілі ў арганізацыі.