У Данецку захоплены радыётэлевізійны вяшчаючы цэнтр
3- 28.04.2014, 12:44
- 9,534
У Данецку сепаратыстамі захоплены абласны радыётэлевізійны вяшчаючы цэнтр.
Пра гэта паведаміла крыніца ostro.org ў праваахоўных органах.
Вяшчанне украінскіх каналаў пакуль доўжыцца, хоць пасля захопу сепаратыстамі ў нядзелю Данецкай абласной тэлерадыёкампаніі на месцы 27 канала транслюецца канал «Расея 24».
Данецкі абласны радыётэлевізійны цэнтр знаходзіцца ў Пятроўскім раёне Данецка. Тэлефоны РТВЦ не адказваюць.
Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый у гарадах усходніх абласцей Украіны. Журналісты заходніх СМІ паведамлялі, што сярод баевікоў прысутнічаюць і беларусы.
У адказ улады Украіны прынялі пастанову аб пачатку антытэрарыстычнай аперацыі ва ўсходніх рэгіёнах краіны. На Данбас перакінулі вайскоўцаў і тэхніку. 24 красавіка ўкраінская армія пачала вызваленне Славянска.