Украіна ўзмацняе ахову межаў
4- 30.04.2014, 19:30
- 5,862
Памежнікі ў выпадку спробаў захопу або блакавання іх пастоў гатовыя выкарыстаць агнястрэльную зброю.
Дзяржаўная памежная служба Украіны з улікам даволі складанай сітуацыі ў краіне ў перыяд травеньскіх святаў працягне ўзмоцнена ахоўваць дзяржмяжу.
"Для гэтага прыцягваюцца дадатковыя памежныя нарады ў пунктах пропуску і па-за імі, адцінкі мяжы прыкрытыя тэхнічнымі сродкамі назірання, праводзіцца інжынернае ўладкаванне мяжы, актывізаванае ўзаемадзеянне з прадстаўнікамі СБУ ды іншымі праваахоўнымі органамі", - гаворыцца ў паведамленні.
Усе мерапрыемствы накіраваныя на бесперабойнае афармлення грамадзян у пунктах пропуску без зніжэння бяспекі, а таксама на забеспячэнне недатыкальнасці дзяржаўнай мяжы Украіны. У прыватнасці, для недапушчэння пранікнення на тэрыторыю краіны радыкальна настроеных асоб істотна ўзмоцнены памежны кантроль асобных катэгорый грамадзян, што ўязджаюць.
У памежслужбе таксама адзначылі, што тэрыторыі памежных падраздзяленняў і пункты пропуску з'яўляюцца тэрыторыямі пастоў.
"Таму ў выпадку спробаў іх захопу або блакавання супрацоўнікі Дзяржаўнай памежнай службы будуць дзейнічаць, рэагуючы на становішча, і ў поўным аб'ёме выконваць пастаўленыя задачы. Пры неабходнасці, у адпаведнасці з дзеючым заканадаўствам Украіны і статутам Узброеных сіл Украіны, памежнікі будуць вымушаныя выкарыстаць агнястрэльную зброю", - нагадалі ў ведамстве.
Нагадаем, выканаўца абавязкаў прэзідэнта Аляксандр Турчынаў 30 красавіка заявіў, што расейскія спецслужбы на травеньскія святы рыхтуюць шэраг правакацый на ўсходзе Украіны.