Улады Менска забаранілі пікет ля «Чыжоўка-Арэны»
2- 11.05.2014, 13:01
- 9,023
Актывістку з Салігорску Вікторыю Фогель папярэдзілі аб недапушчальнасці правядзення пікету.
Пра гэта паведамляе сайт ПЦ «Вясна».
Як распавяла мясцовым праваабаронцам сама актывістка, выклік у міліцыю быў звязаны з яе заяўкай на правядзенне пікету ў падтрымку кампаніі «Без візы». Мерапрыемства планавалася правесці ў Менску 11 траўня на пляцоўцы ля спарткомплексу «Чыжоўка-Арэна». Сталічныя ўлады заявы актывісткі на пікетаванне ў паказаным месцы не задаволілі.
Аднак салігорскія міліцыянты выклікалі яе ў мясцовае аддзяленне міліцыі, заявілі аб недапушчальнасці правядзення забароненага мерапрыемства і прымусілі падпісаць адпаведнае папярэджанне.