73% інвестараў прагназуюць спад эканомікі Расеі

Інвестары назвалі Расею горшай з васьмі найбуйнейшых эканомік свету.

Такія дадзеныя былі атрыманыя ў ходзе глабальнага апытання, праведзенага Bloomberg Markets. Дадзеныя апытання былі апублікаваныя на сайце інфармацыйнага агенцтва Bloomberg.

Так, 73% апытаных ацэньваюць, што сітуацыя ў расейскай эканоміцы пагаршаецца, 17% - стабілізуецца, і 3% вераць, што справы ідуць у гару, а астатнія не вызначыліся. Лепшыя ў гэтым апытанні ЗША (64% лічаць, што сітуацыя паляпшаецца), і нават бліжэйшая да нас краіна, Кітай, далёка апярэджвае нас у вачах прадпрымальнікаў і мэнэджэраў свету: 47%, лічаць, што сітуацыя там пагаршаецца, 41% - што яна стабільная, і 9% - што яна паляпшаецца, піша slon.ru.

Горшыя магчымасці для інвестыцый сярод такіх эканомік, як Бразілія, Вялікабрытанія, ЕЗ, Індыя, Кітай, Расея, ЗША і Японія, у наступным годзе дасць менавіта наша краіна, лічаць 56% апытаных. Толькі 9% лічаць, што Расея - найлепшы варыянт для інвестыцый.

75% песімістычна глядзяць на ўплыў Уладзіміра Пуціна на эканоміку, 15% - аптымістычна, 10% - не ўпэўненыя ў выбары. Больш за ўсё інвестары задаволеныя канцлерам ФРГ Ангелай Меркель і прэм'ерам Вялікабрытаніі Дэвідам Кэмеранам, а Барак Абама набраў толькі 37% аптымістычных ацэнак пры 49% негатыўных.

Bloomberg таксама спытаў рэспандэнтаў, што яны думаюць пра расейскія актывы ў святле канфлікту на Украіне. 45% рэкамендуюць прадаваць, 31% - трымаць, 14% - купляць, 10% не вызначыліся.