Выбух пад Івацэвічамі: загінуў мясцовы жыхар
2- 13.05.2014, 12:04
- 13,920
У мястэчку Косава спрацавала невядомае выбуховае прыстасаванне.
Трагічнае здарэнне адбылося ў Косава на адным з прыватных падворкаў падчас збору металалому.
Сярод металу, як аказалася, знаходзілася выбуханебяспечная прылада. Загінуў прыёмшчык металалому.
«Праводзіцца праверка па факце смерці 44-гадовага жыхара Івацэвіцкага раёна. Следчыя высветлілі, што смерць меркавана наступіла ў выніку выбуху неўстаноўленай выбуховай прылады», - сказаў у інтэрв'ю тэлеканалу «Беларусь 1» намеснік начальніка ўпраўлення Следчага камітэта па Брэсцкай вобласці Сяргей Удовікаў.
Праваахоўнікі і сапёры на месцы здарэння знайшлі яшчэ некалькі выбухованебяспечных прадметаў. Што гэта было, не паведамляецца. Знаходкі вывезлі на палігон і абясшкодзілі. Праводзіцца праверка, прызначаныя экспертызы.