«Газпрам» выставіў кошт Украіне
15- 13.05.2014, 13:28
- 9,704
Расейская кампанія выставіла папярэдні кошт за чэрвень у памеры $1,66 млрд.
Пра гэта паведаміў журналістам афіцыйны прадстаўнік "Газпрама" Сяргей Купрыянаў, перадае "Інтэрфакс-Украіна".
"Сёння "Газпрам" накіраваў афіцыйнае апавяшчэнне НАК "Нафтагаз Украіны" аб пераходзе на авансавую аплату паставак газу ў адпаведнасці з пунктам 5.8 кантракту ад 2009 года, - заявіў ён. - Выстаўлены папярэдні кошт, зыходзячы з кантрактнага аб'ёму паставак, - 114 млн куб. м у суткі. з улікам выходных дзён НАК "Нафтагаз Украіны" павінен аплаціць гэты кошт да 2 чэрвеня, і, пачынаючы з 3 чэрвеня, кампанія будзе атрымліваць газ для паставак спажыўцам Украіны толькі ў аплачаных аб'ёмах".
У пераразліку на месяц гэта складзе 3,42 млрд кубаметраў. А з разліку кошту ў $486,5 за тысячу кубаметраў - $1,66 млрд.
"Пратэрмінаваны доўг на дадзены момант складае $3,508 млрд, і ні ў каго не можа паўстаць сумневаў, што гэта досыць важкая і аб'ектыўная прычына для прымянення адпаведнага палажэння кантракта аб перадаплаце", - заявіў прадстаўнік "Газпрама".
Учора стала вядома пра тое, што з 3 чэрвеня расейская кампанія можа абмежаваць пастаўкі газу ва Украіну.