Акружаныя ў Данецку вайскоўцы адмовіліся здавацца тэрарыстам
32- 14.05.2014, 14:19
- 60,724
Вайсковая частка ў Данецку заблакаваная баевікамі.
Асабісты склад вайсковай часткі №3037 адмовіўся прысягнуць на вернасць самаабвешчанай «Данецкай народнай рэспубліцы». Пра гэта паведамілі ў Групе па сувязях з грамадскасцю і СМІ Упраўлення Усходняга тэрытарыяльнага камандавання ўнутраных войскаў МУС Украіны пасля перамоваў камандавання часткі з прадстаўнікамі ДНР, піша «Остров».
«Іх прадстаўнікі заявілі, што згодна з пастановай, якая прынятая Данецкай народнай рэспублікай, праваахоўныя і сілавыя структуры павінны прысягнуць на вернасць Данецкай народнай рэспубліцы. У выпадку адмовы перайсці на іх бок, - яны павінны пакінуць Данецкую вобласць», - паведамілі вайскоўцы.
У Цэнтры таксама паведамілі, што камандаванне часткі «адмовілася прысягнуць ДНР».
«Унутраныя войскі працягваюць выконваць задачы, прадугледжаныя дзеючым заканадаўствам», - адзначылі ў вайсковай частцы.
На гэта, адзначылі ў вайсковай частцы, прадстаўнікі ДНР сказалі, што «будуць прынятыя меры». Якога роду меры, у вайсковай частцы не ведаюць.
Раней ужо паведамлялася, што ў Данецку штурмуюць вайсковую частку.