Абаненты ByFly скардзяцца на доступ у інтэрнэт
45- 14.05.2014, 16:45
- 31,784
Беларускія інтэрнэт-карыстальнікі паведамляюць пра праблемы з доступам да некаторых замежных сайтаў.
У сацыяльных сетках, а таксама на форуме onliner.by абаненты byfly з учорашняга вечара скардзяцца на недаступнасьць шэрагу замежных рэсурсаў, у тым ліку папулярных (Facebook, Instagram і г. д.). Некаторыя з карыстальнікаў паведамляюць пра надзвычай павольную загрузку сайтаў, іншыя ж не могуць адкрыць іх у прынцыпе.
Каментар ад афіцыйнага прадстаўніка аператара атрымаць не ўдалося.
У красавіку падобная сітуацыя ўжо назіралася, аднак тады праблемы з доступам былі не толькі ў кліентаў ByFly. Кампанія «Белтэлекам» заявіла пра збой маршрутызацыі на абсталяванні праз працяглы час пасля першых паведамленняў пра яго. У цяперашні час інфармацыі пра пазаштатныя сітуацыі на сетках сувязі на сайце «Белтэлекама» няма.