Галоўны нарколаг Беларусі паехаў на «разборкі» ў Жэневу

Іван Канаразаў пакаціў у Жэневу пасля таго, як Сусветная арганізацыя аховы здароўя ў сваім дакладзе назвала Беларусь краінай, жыхары якой п'юць больш усіх у свеце.

"У цяперашні час у Жэневе, у штаб-кватэры СААЗ, знаходзіцца галоўны нарколаг Міністэрства аховы здароўя Іван Канаразаў. Ідзе абмеркаванне пытанняў аказання Беларусі дапамогі ў сферы лячэння алкагольнай і наркатычнай залежнасці, мінімізацыі распаўсюджвання гэтых залежнасцяў", - паведаміла агенцтву "Інтэрфакс" крыніца, блізкая да медыцынскай сферы, каментуючы даклад СААЗ.

Ён сказаў, што калі галоўны нарколаг вернецца ў краіну, ён зможа расказаць, на падставе якіх дадзеных будаваліся заключэння аб тым, што Беларусь лідзіруе ў рэйтынгу.

"Можна па-рознаму ацэньваць і аналізаваць справаздачу, прадстаўленую СААЗ. Па-першае, гэтая паважаная арганізацыя прымяняе свае методыкі разліку і ацэнкі дадзеных, якія паступаюць з краін. Па-другое, калі я не памыляюся, то дадзеныя, пра якія ідзе гаворка, тычыліся інфармацыі за 2004-2010 гады, а не па выніках за 2013 год", - удакладніла крыніца.