The Wall Street Journal: Крызіс ва Украіне - вайна каштоўнасцяў

Прыхільнікі ідэі, што дзяржава павінна служыць грамадзянам, супернічаюць з рэжымамі, якія мяркуюць, што павінна быць наадварот.

"Пра тое, што і чаму робіць расейскі прэзідэнт Уладзімір Пуцін, звычайна можна здагадацца, заўважаючы, якія дзеянні і каштоўнасці ён памылкова праецыруе на іншых людзей", - сцвярджае ў сваім артыкуле для The Wall Street Journal (пераклад - Inopressa.ru) намеснік дзяржсакратара ЗША па пытаннях дэмакратыі, правоў чалавека і працы Том Маліноўскі. "Напрыклад, у апошнія некалькі тыдняў ён вінаваціў украінскі ўрад у тым, што ён пазбавіў усходнія вобласці Украіны аўтаноміі, а сам прымаў меры для спынення выбараў у мясцовыя органы ўлады ў Расеі", - працягвае аўтар.

Калі Пуцін абвінаваціў украінскі ўрад у парушэннях правоў чалавека, гэта благі знак, заключае Маліноўскі. Ён прызнае, што новая кіеўская ўлада "не ідэальная". "Але міжнародныя арганізацыі не выявілі ніякіх доказаў таго, што яна душыла або душыць правы этнічна рускай меншасці ў Крыме, альбо на ўсходзе Украіны. З іншага боку, пракрамлёўскія сепаратысты з нястрыманасцю атакуюць сваіх бяззбройных апанентаў", - сцвярджае аўтар.

Па словах Маліноўскі, гэта пачалося ў Крыме. Вось прыклады, якія прыводзіць аўтар: "мясцовыя ўлады абвясцілі, што этнічныя татары павінны будуць пакінуць свае землі", "напярэдадні 70-годдзя дэпартацыі паліцыя правяла масавыя ператрусы ў дамах татараў", "у наступныя дні было больш за тузін выпадкаў, калі ўзброеныя людзі атакавалі мясцовых і замежных журналістаў альбо затрымлівалі іх. Прарасейскія сілы выкрадалі і катавалі ўкраінскіх грамадзянскіх актывістаў".

Мяркуючы па сацапытаннях, пераважная большасць жыхароў усходу Украіны не хочуць далучацца да Расеі. "Але калі жыхары Данецка, Славянска і Харкава выходзілі пратэставаць супраць умяшання Масквы, прарасейскія апалчэнцы неаднаразова нападалі на іх", - піша аўтар, сцвярджаючы, што ў бальніцы трапілі больш за 100 мірных дэманстрантаў.

"На ўсходзе таксама інтэнсіфікаваліся выкраданні, катаванні і забойствы", - піша аўтар.

"Гэтымі і іншымі спосабамі Пуцін распаўсюджвае на Усходнюю Украіну рэпрэсіі, якія ў апошнія гады навязаў у Расеі. Гэта прамая супрацьлегласць таму, ад чаго б атрымлівалі асалоду жыхары Усходняй Украіны ў складзе адзінай Украіны: мясцовай аўтаноміяй [так у арыгінале, на справе гэтыя вобласці не маюць статусу аўтаномій], свабодай выказвання меркаванняў і свабоднымі і сумленнымі выбарамі пад наглядам міжнародных назіральнікаў. Такі не проста эфект ад ўмяшання Пуціна, але і, магчыма, яго мэта", - гаворыцца ў артыкуле.

Крызіс на Украіне - суперніцтва каштоўнасцяў, заключае Маліноўскі. Прыхільнікі ідэі, што дзяржава павінна служыць грамадзянам, супернічаюць з "рэжымамі, якія мяркуюць, што павінна быць наадварот".

Маліноўскі лічыць, што раней ЗША мелі рацыю, калі супрацоўнічалі з Расеяй. Але "ў ходзе бягучага крызісу мы правільна пазбягаем памылкі праецыраваць нашы надзеі на кіраўніка Расеі так, як ён праецыруе на нас свой цынізм", падсумоўвае выданне.