Латвія праводзіць найбуйнейшыя вайсковыя вучэнні
- 19.05.2014, 13:12
- 5,787
Пачынаюцца найбуйнейшыя вайсковыя вучэнні ў гісторыі незалежнай Латвіі.
З сённяшняга дня на сушы і ў тэрытарыяльных водах Латвіі праходзяць аб'яднаныя ваенныя вучэнні Нацыянальных узброеных сіл (НУС) "Намейс 2014", у якіх возьмуць удзел больш за 2 200 ваеннаслужачых і земесаргаў, паведамілі ў прэс-службе Мінабароны, піша rus.DELFI.lv.
Вучэнні будуць найбуйнейшымі ў гісторыі Латвіі пасля аднаўлення незалежнасці і працягнуцца да 27 траўня.
Як паведаміў камандуючы НВС Райманд Граубе, падрыхтоўка да вучэнняў доўжылася больш за два гады, і яны стануць праверкай дасягненняў латвійскай арміі на ўсіх узроўнях - ад радавых да аб'яднанага штаба. Мэта вучэнняў - праверка навыкаў арганізацыі і каардынацыі абароны дзяржавы паміж усімі родамі войскаў.
Фота: LETA