П'яны гродзенец збіў мінака палкай з-за цыгарэты

22-гадовы жыхар Гродна пад дзеяннем алкаголю напаў на мужчыну з-за цыгарэты.

У выніку бойкі ў пацярпелага паламаныя рэбры, адно з якіх прабіла лёгкае. Пра інцыдэнт паведамляе прэс-служба УУС Гродзенскага аблвыканкама.

«Пацярпелы - мужчына 30 гадоў - гуляў разам з дзяўчынай па лесапарку, калі да яго падышлі невядомыя з прапановай пачаставаць іх цыгарэтай. Адзін з незнаёмцаў вырашыў падмацаваць сваё патрабаванне з дапамогай драўлянай палкі, якую не пасаромеўся пусціць у ход, у выніку чаго ў пацярпелага апынуліся паламанымі рэбры, адно з якіх прабіла лёгкае. Як толькі сябры нецвярозай кампаніі ўсвядомілі, што справа пахне газай, кінуліся ўрассыпную, што некалькі ўскладніла працу аператыўнікам, але не зрабіла задачу цяжка вырашаемай - на працягу некалькіх дзён асоба нападніка была ўстаноўленая», - распавёў начальнік АУР Ленінскага РАУС падпалкоўнік міліцыі Віталь Асоцкі.

Хуліган быў затрыманы і дастаўлены ў СІЗА. Яму пагражае да 8 гадоў пазбаўлення волі.